महाविकास आघाडीचे उमेदवार अमित कदम यांना प्रचंड मतांनी निवडून आणणार :- एस एस पार्टे(गुरुजी)
पक्षप्रमुख उद्धव ठाकरे यांचे आदेशाने एस एस पार्टे यांनी घेतली उमेदवारीतुन माघार
माणदेशी न्यूज
मेढा प्रतिनिधी (धनंजय गोरे )
सातारा जावली विधानसभा मतदारसंघातील शिवसेना उद्धव ठाकरे गटाचे व महाविकास आघाडीचे उमेदवार अमित कदम यांना प्रचंड मतांनी निवडून आणण्याचा निर्धार शिवसेना उद्धव ठाकरे गटाचे सातारा जावळी विधानसभा क्षेत्रप्रमुख एस एस पार्टे (गुरुजी) यांनी प्रसिद्धी पत्रकाद्वारे जाहीर केले
प्रसिद्धी पत्रकात एस एस पार्टे म्हणाले, १९७७ सालापासून शिवसेना पक्षाचा निष्ठावंत शिवसैनिक म्हणून कार्यरत असून वेळोवेळी पक्ष संघटनेला बळ देण्याचे काम मी केले आहे. मी स्वतः यावेळी महाराष्ट्र विधानसभा निवडणुकी करिता सातारा-जावळी विधानसभा मतदार संघातून माझ्या पक्षातून इच्छुक होतो. तशी तयारीही केली होती. परंतू पक्षाने व महाविकास आघाडीने अमित कदम यांना उमेदवारी दिल्याने शिवसैनिकांच्या आग्रहाखातर अपक्ष उमेदवारी अर्ज भरला होता.
मात्र महाविकास आघाडीच्या मतांचे विभाजन होऊ नये याकरिता व पक्ष प्रमुख व महाराष्ट्राचे माजी मुख्यमंत्री मा. उद्धव ठाकरे यांच्या आदेशाने पक्षहित नजरेसमोर ठेऊन स्व.शिवसेनाप्रमुख मा. बाळासाहेब ठाकरे यांच्या शेवटच्या आवाहनाशी प्रामाणिक राहात मी माझा उमेदवारी अर्ज मागे घेताना यापुढे ही कायम माझ्या पक्षासोबतच निष्ठापूर्वक राहण्याचा निर्धार केला आहे.अपक्ष उमेदवारी मागे घेण्याकरिता शिवसेना नेते विनायक राऊत, अनिल परब, शिवसेना उपनेते .प्रा. नितीन बानुगडे पाटील,उपनेते तथा संपर्क प्रमुख पश्चिम महाराष्ट्र दगडूदादा सपकाळ यांनी विशेष प्रयत्न केले त्याबद्दल मी त्यांचा ऋणी आहे. पक्षप्रमुख उद्धव ठाकरे यांनी रत्नागीरी येथे भेट देऊन माझी आस्थेवाईकपणे विचारपूस केली त्याबद्दल त्यांचे प्रति कृतज्ञता व्यक्त करताना यापुढेही शेवटच्या श्वासापर्यंत स्वर्गीय हिंदूहृदयसम्राट बाळासाहेब ठाकरे यांचाच शिवसैनिक राहण्याचा निर्धार व्यक्त करीत आहे. सातारा जावळी विधान सभा मतदार संघातील मतदारांनी मशाल चिन्हासमोरील बटन दाबून महाविकास आघाडीचे उमेदवार अमित कदम यांना प्रंचड बहुमतांनी विजयी करावे असे आवाहन एस एस पार्टे (गुरुजी)यांनी केले .
*पार्टे गुरुजीना योग्य न्याय देणार:-उद्धव ठाकरे*
एस एस पार्टे यांनी उद्धव ठाकरे यांची भेट घेतल्यानंतर उद्धव ठाकरे यांनी त्यांना त्यांच्या निष्ठेचे फळ नक्की मिळेल, तसेच आगामी काळात मोठी जबाबदारी देण्याचे आश्वासन देऊन योग्य न्याय देणार असल्याचे सांगितले
.jpg)
0 टिप्पणियाँ